இந்திய சினிமா உருவாகி 100 ஆண்டுகளாகி விட்டது. அதை கொண்டாடும் வகையில் வருகிற செப்டம்பர் 1-ந்தேதி முதல் 3-ந்தேதி வரை சென்னையிலுள்ள ஒய்எம்சிஏ மைதானத்தில் பிரமாண்ட விழா நடைபெற உள்ளது. இந்த விழாவுக்கு தென்னிந்தியாவின் முக்கிய நடிகர்கள் மட்டுமல்லாது இந்தி சினிமாவின் அமிதாப்பச்சன்-ஷாரூக்கான்ஆகியோருக்கும் அழைப்பு விடுக்கப்பட்டுள்ளதாம்.
மேலும் இந்த விழாவின் ஹைலைட்டாக இசையமைப்பாளர்கள் இளையராஜா-ஏ.ஆர்.ரஹ்மான் ஆகிய இருவரும் இணைந்து ஒரு பாடலுக்கு இசையமைக்கப்போகிறார்களாம். அந்த பாடலுக்கு ரஜினி-கமல்-மோகன்லால்-மம்மூட்டி- சிரஞ்சீவி- நாகார்ஜூனா, சிவராஜ்குமார் உள்ளிட்டோர் மேடையில் தோன்றி நடனமாட உள்ளார்களாம்.
அத்தோடு ஜனாதிபதி பிரணாப் முகர்ஜி சிறப்பு விருந்தினராக கலந்து கொள்கிறாராம். அதோடு நான்கு தென்னிந்திய மாநில முதல்வர்களும் கலந்து கொண்டு விழாவை சிறப்பிக்கிறார்களாம்.
