உடல் பருமன் நோயால் மக்களுக்கு ஏற்படும் பக்க விளைவுகளை கட்டுப்படுத்தும் வகையில் உடல் எடையில் ஒரு கிலோவை குறைப்பவர்களுக்கு ஒரு கிராம் தங்கம் பரிசாக வழங்கும் புதிய சுகாதார திட்டத்தை துபாய் அரசு அறிமுகப்படுத்தியுள்ளது.
இந்த இலவச தங்கத்தை பெற விரும்பும் நபர்கள் தங்களின் தற்போதைய உடல் எடையை வரும் வெள்ளிக்கிழமைக்குள் பரிசோதித்துக் கொள்ள வேண்டும்.
இன்னும் ஒருமாத காலத்திற்குள் குறைந்தப்பட்சமாக 2 கிலோ அல்லது அதற்கு மேற்பட்ட உடல் எடையை குறைத்துக் காட்டுபவர்களுக்கு கிலோவுக்கு ஒரு கிராம் வீதம் தங்கம் பரிசாக வழங்கப்படும். உடல் எடையை குறைக்க உச்சவரம்பு ஏதுமில்லை எனவும் அரசு அறிவித்துள்ளது.
துரித உணவகங்களில் அதிகம் சாப்பிடுவதை மக்கள் கைவிட்டு, உடற் பயிற்சியின் மீது ஆர்வம் காட்டுவதை ஊக்கப்படுத்தவே இந்த பரிசு திட்டம் என அரசு அதிகாரிகள் தெரிவித்தனர்.
