திண்டுக்கல் மாவட்டம் பட்டிவீரன்பட்டியில் மடிக்கணினி வழங்கக் கோரி பள்ளி மாணவர்கள் சாலை மறியலில் ஈடுபட்டனர்.
பட்டிவீரன்பட்டி என்.எஸ்.வி.வி ஆண்கள் மேல்நிலை பள்ளியில் நடைபெற்ற விழாவில் 300 மாணவர்களுக்கு மட்டும் மடிக்கணினி வழங்கப்பட்டது. மடிக்கணினி கிடைக்காத 150 மாணவர்கள் பட்டிவீரன்பட்டி பஸ் நிலையம் அருகே சாலை மறியலில் ஈடுபட்டனர். இதனால் திண்டுக்கல், வத்தலகுண்டு செல்லும் சாலையில் போக்குவரத்து பாதிக்கப்பட்டது. போலீஸார் மாணவர்களை சமரசம் செய்ததைத் தொடர்ந்து போராட்டம் கைவிடப்பட்டது. விரைவில் மடிக்கணினி வழங்காவிட்டல் மீண்டும் போராட்டத்தில் ஈடுபடுவோம் என்று மாணவர்கள் கூறினர்.
